Корея Республикасының Қазақстан Республикасындағы Елшілігі

Жаң Кюхо уәкіл-елші 2026 жылғы 31 наурызда Инчхон қаласы мен Инчхон туризм ұйымы бірлесіп ұйымдастырған Қазақстандағы медициналық туризмді таныстыру шарасына қатысып, 1 сәуірде Қазақстанға келген делегациясымен кездесу өткізіп, Инчхон қаласына медициналық туристерді тарту және Қазақстан нарығына шығу жолдарын талқылады. Уәкіл-елші құттықтау сөзінде медициналық туризм екі ел азаматтарының өмірімен тікелей байланысы бар, маңызды ынтымақтастық саласы екенін атап өтіп, Қазақстанның осы бағытта Корея Республикасымен тұрақты түрде ынтымақтастықты дамытып келе жатқан маңызды серіктес екенін жоғары бағалады. Сонымен қатар, аталған іс-шара аясында екі елдің мекемелері тәжірибе мен ноу-хау бойынша алмасып, тұрақты әрі ұзақ мерзімді медициналық ынтымақтастық үлгісін қалыптастыруға ықпал етеді деген үмітін білдірді. Кездесу барысында Инчхон қаласының денсаулық сақтау саясаты бөлімінің басшысы Ким Сунсим Қазақстанның 2024 жылғы көрсеткіш бойынша медициналық туризмге келушілер саны жөнінен 4-орында, ал шығын көлемі бойынша 1-орында тұрғанын атап өтіп, Қазақстан Корея Республикасының медициналық туризм саласындағы негізгі серіктестерінің бірі екенін айтты. Сонымен қатар, медициналық туризмді дамыту үшін тұрақты қызығушылық пен қолдаудың маңыздылығын түсіндірді. Екіжақ Қазақстанмен медициналық туризм саласындағы ынтымақтастықты кеңейту және нарыққа шығуды жандандыру бағытында жан-жақты пікір алмасты. Өз кезегінде, уәкіл-елші болашақта осы саладағы екіжақты ынтымақтастықты дамытуға тұрақты түрде назар аударып, қолдау көрсететінін мәлімдеді.